Pardon Keluèn - le Pardon de Quelven

Loeiz Herrieu da heul - Loeiz Herrieu, suite

Pardon Keluèn

 

1. A pe oen mé dénig iouank, seitek pé trihueh vlé,
 Mar dé d'éin guélet me mestréz, me halon e hré joé.

2. A pe gañné ur huerzennig petremant ur poz-kan,
Saillein e hré me halonig èl mammen ur fetan.

3. Hé deulagad glas én hé fen e zou ken ligernus:
En dén iouank sellet geté haneh e zou eurus ...

4. Ketan gueh mem boé hi guélet oé dé pardon Kelùen
Hé dillad kaer en dro dehi doh hé goug ur chalen.

5. Hé houifig dantel ar hé fen doh un én oé haval,
Haval doh ur énig bihan ar er bod é kañnal.

6. Pe oé achiù er gospereu ha groeit er hetan bal,
Mé dehi get me zok ém dorn d'hé goulen de zansal;

7. O geou! o geou! Dénig iouank get kalz a blijadur;
Rahuiz un dén ken karadek n'hellan ket a dra sur.

8. Me grog enta én hé dorn guen, d'hé gorol hé hondu;
Deulagad ol en dud iouank goeh arnomb a bep tu!

9. Men deus e gorollas ken skan, ken braù, ma hounidas
Un dantérig sei du moaret hag ur seiennig glas.

10. Chetu tremenet en anderù, achiu er horolleu;
Erauk ma hei én héaul de guh, damb ni d'er gér hun deu

11. Na pegement a blijadur en dé zé em es bet,
E tonet d'er gér a Geluèn get men dousig karet.

12. Er rañned glas, én ou fouleu; e hré ur mélodi,
Ur mélodi ken kaer, men dous., él ne gavér hañni

13. Ha boéh en aùel dré er gué e soñné ken bourus:
Deu zén iouank doh hum garein er ré zé zou eurus...

Lévrieu - Levrioù - Livres